AMCECC chuan vawiin khan hriattirna ti chhuakin, sorkara an thil ngiat chungchangah memberte tanrualna leh inpekna avangin lawmthu kan sawi mawlh mawlh, an ti a. "Memberte chungah engpawh thleng se theihtawpin AMCECC chuan hma a la zel dawn a ni," an ti bawk.

September 18, 2025(Ningani) hian Chief Minister hovin Official lamin meeting an nei dawn niin report kan dawng a, kan duh ang ngeia thu an rel theihna turin member zawng zawngte tawngtaina a hre tur in kan in ngen a. Sorkar thuchhuak ngaichang turin AMCECC member zawng zawngte Aizawl City area a awm te chu Youth Recreation Center, Falkland ah kalkhawm tur a ni, an ti.

Sub Headquarters lam pawh ruahmanna siam a, pun khawm lo huaihawt vek tura inhriattirin an ngen nghal bawk.

AMCECC te hi naktuk September ni 18, 2025(Ningani) chawhma dar 11 hian Youth Recreation Centre (YRC), Falkland ah an pungkhawm leh dawn a ni.

Nimin khan zirtirtu in zawmkhawm pawl, Mizoram Teachers Federation chuan thuchhuah siamin, CSS ten lungawi lohna an lan tir avangin Mizorama zirlai tam takin schoola zirna an bahlah phah tih an tarlang.

MTF General Headquarters, Aizawl chuan tunlai thil thleng hi pawi a ti hle tih an sawia, "Zirna a kal dan pangngaia tha taka a kal zel theih nan, kan sawrkar hian kan zirtirtu pui CSS hnuaia thawk mekte dinhmun hi en tha in, lungawi tak Ieh thlamuang taka naupangte an zirtir theih nan inremna siam pui thei se," tiin an thuchhuah ah tarlan a ni.